Maktabgacha va
maktab ta’limi tizimida ta’lim sifatini rivojlantirish hamda ota-onalar bilan
integratsiya qilish maqsadida www.sirdaryotalimi.uz platformasini yaratish
hamda sifatli kontentlar yaratish uchun Smart video studiyasi tashkil etish
rejalashtirilgan bo‘lib, bugungi kunda
www.sirdaryotalimi.uz platformasini tayyorlash jarayonlari Pedagogika
institutining malakali professorlari va maktab ta’limidagi fidoiy, jonkuyar va
eng tajribali o‘qituvchilari hamda Sirdaryo online education mchjning malakali
mutaxassislari bilan birgalikda tayyorlanmoqda.
Ushbu loyiha ta’limning turli jabhalaridagi
muammolarni hal etish hamda o‘qituvchi va ota-onalarni birlashtiradigan
hamkorlik platformasi bo‘lib xizmat qiladi.
Bugungi
kundagi muammolardan, malakali kadrlar yetishmasligi, maktablarda sharoitning
yetarli darajada emasligi, dastur va darsliklarning tez-tez almashinuvi, maktab va ota-onalar o‘rtasida aloqaning
kamligi hamda ota-onalarning farzandi ta’lim-tarbiyasiga e’tiborsizligi ushbu
loyihamizni yaratishimizga sabab bo‘ldi.
Bunda asosiy
4 ta yo‘nalish bo‘yicha ishlarni amalga oshirish eng to‘g‘ri yo‘l deya belgilab
olindi.
Birinchidan,
eng avvalo, maktab rahbarlarining boshqaruv tizimidagi bilim va ko‘nikmalarini
oshirish orqali ta’lim tizimining to‘g‘ri va adolatli boshqaruvi yo‘lga
qo‘yiladi.
Bunda Sirdaryo ta’limi.uz sayti bo’limlari sifatida Rahbarlar kabineti tashkil
etilgan bo’lib, Ushbu bo’limda Vazirlar Mahkamasining “Davlat umumiy o‘rta
ta’lim muassasalari direktori lavozimiga nomzodlarni menejerlik o‘quv
kurslarida o‘qitish va ularga menejerlik sertifikatini berish tartibi
to‘g‘risidagi nizomni tasdiqlash haqida” 2023-yil 25-dekabrdagi 681-son qarori
hamda Maktabgacha va maktab ta’limi vazirining 2023-yil 28-dekabrdagi 578-son
buyrug‘i, shuningdek, maktab direktori lavozimiga nomzodlarni saralash,
tayyorlash va ularning malakasini oshirishning ilg‘or va shaffof
tashkiliy-huquqiy mexanizmlarini tatbiq etish yo‘li bilan maktab ta’limi
tizimida kadrlar siyosatini shakllantirishning zamonaviy tamoyillarini joriy
etish bo‘yicha alohida Menejment.uz sayti 2024 yil sentabr oyidan ishga
tushurildi.
Menejment.uz sayti va
telegram boti “Sirdaryo Online Education” MCHJning malakali va
yuqori tajribaga ega mutaxxasislari tomonidan Xalq ta’limi xodimlarining bilim
darajalari va kasbiy mahoratini baholash markazi tomonidan ishlab chiqilgan “Ta’lim
menejmenti” o‘quv modulining ishchi o‘quv-mavzu reja va dasturi asosida
tayyorlangan.
Ikkinchidan,
maktab o‘qituvchi va o‘quvchilariga on-line ta’limi orqali dars va darsdan
tashqari mashg‘ulotlarni sifatli, ko‘rgazmali va qiziqarli tashkil etish uchun
ta’limda zarur bo‘ladigan barcha resurslar va imkoniyatlar yaratiladi va
qo‘shimcha repititorlik tizimi bepul va xatarsiz yo‘lga qo‘yiladi.
Uchinchidan,
Ota-onalarning barcha fanlar kesimida eng sodda va oddiy usullar bilan
farzandlarining dars mashg‘ulotlarini birgalikda tayyorlashlari uchun
qulayliklar yaratiladi va bunda ota-onalarga faqatgina nazorat tizimini
kuchaytirish vazifalari yuklatiladi.
To‘rtinchidan,
Smart video studio yordamida tajribali professorlar va malakali o‘qituvchilar
hamkorligida sifatli kontentlar yaratiladi va barcha ta’lim muassasalari
singari viloyatimizning chekka xududlarida ham sifatli dars mashg‘ulotlarini
amalga oshirish yo‘lga qo‘yiladi.
Ushbu Smart
video studio Guliston davlat Pedagogika institutida tashkil etilib, loyiha
doirasida eng asosiy urg‘u bitiruvchilarga qaratiladi. Bunda viloyatdagi
maktabgacha va maktab ta’limi boshqarmasi hamkorligida institutga yaqin
xududdagi maktablar bilan shartnomalar tuzilib, institut binosida maktab dars
mashg‘ulotlari tashkil etiladi. Ushbu dars mashg‘ulotlariga professor va
maktablardagi malakali o‘qituvchilar jalb qilingan holda dars mashg‘ulotlari
tashkil etilib, bitiruvchi talabalarimizning pedagogik amaliyoti yo‘lga
qo‘yiladi. Endi bitiruvchilarimiz dars jarayonidagi barcha vaziyatlar, xolatlar
va muammolar hamda o‘qituvchilarning kasbiy mahoratlarini onlayn va oflayn
kuzatishlari orqali tajribalari orttiriladi.
Maqsad ta’lim sifatini oshirish va barcha qulayliklar
ega bo‘lgan mukammal va yagona klasster ta’lim platformasini ishlab chiqish. Bu
platforma kelajakda nafaqat maktab faoliyati uchun xizmat qilishi, balki
bugungi kunda pedagogika yo‘nalishi bitiruvchilari, bo‘lajak o‘qituvchilar
uchun ham amaliyot maktabi sifatida xizmat qiladi.
Loyihaning davomiyligi uzoq muddatli ya’ni bugungi startap loyihisi mablag‘lari asosida
barcha tashkiliy ishlar amalga oshiriladi va abonentlik daromadlari doimiyligi
ta’minlangan holda kelgusidagi to‘planilgan mablag‘lar platforma ishlarini
rivojlantirishga hamda ta’lim sifatini oshirish va loyiha a’zolarini doimiy
rag‘batlantirib borishga, bundan tashqari platformadan foydalanishda
extiyojlari mavjud bo‘lgan ta’lim muassasalari uchun ham homiylik mablag‘lari
sarflanishi yo‘lga qo‘yiladi.
